ukraina: erdoghan putinni ashliq karidori kélishimige qayturup kéleleydighan birdinbir rehber
ukraina tashqi ishlar ministiri dimitro kuléba jumhur reis rejep tayyip erdoghanning rusiye pirézidénti wiladimir putinni qara déngiz ashliq karidori kélishimige qayturalaydighan birdinbir rehber ikenlikini otturigha qoydi.
türkiye awazi radiyosi xewiri: ukraina tashqi ishlar ministiri kuléba ukraina resmiy xewer agéntliqi — ukrinformning qara déngiz ashliq karidori kélishimige munasiwetlik soallirigha jawab berdi.
rusiyening ashliq kélishimini toxtatqanliqigha isharet qilghan kuléba, ukrainaning putinni bu kélishimge qayturup kélish mesiliside türkiye bilen alaqe qiliwatqanliqini tilgha élip: «ukraina putinning qara déngiz ashliq karidori kélishimige qaytip kélishi üchün erdoghan bilen maslishiwatidu. erdoghanmu bu mesilide (ukraina pirézidénti wiladimir) zélénskiy bilen alaqe qiliwatidu. bu özara menpeet mesilisi. erdoghan putinning kélishimge qaytishigha kapaletlik qilalaydighan birdinbir rehber» dédi.
2022- yili 24 - iyun bashlanghan rusiye- ukraina urushining dunya ashliq bahasigha körsitidighan tesirini azaytish üchün, birleshken döletler teshkilati (b d t), rusiye, türkiye we ukraina 2022 – yili 22 – iyul istanbulda söhbet ötküzüp, qara déngiz ashliq karidori kélishimige imza qoyghanidi.
rusiye pirézidéntliq mehkimisi — krémil bayanatchisi dimiriy péskow mudditi toshqan kélishim toghrisida 17 - iyul bayanat élan qilip: «ashliq karidori kélishimi resmiy axirlashti, toxtitildi. rusiye munasiwetlik shertler orundalghan haman derhal ashliq kélishimige qaytip kélidu. kélishimning rusiyege munasiwetlik qismi orundalmidi» dégenidi.
مۇناسىۋەتلىك خەۋەرلەر
silowéniyemu pelestinni étirap qildi
silowéniye hökümiti pelestin dölitini étirap qilish toghruluq qarar chiqardi.
