meschit we quran kerimge hujum qilish qilmishi bu qétim gherbiy trakyada yüz berdi
girétsiye döletlik maarip we diniy ishlar ministirliqi bash katipi yorgos kalankis gherbiy trakyada melum kishining bir meschitke kirip, quran kerimni yirtish qilmishini eyiblidi.
türkiye awazi radiyosi xewiri: girétsiye döletlik maarip we diniy ishlar ministirliqi bash katipi yorgos kalankis yazma bayanat élan qilip, iskeche rayonidiki bir meschitte yüz bergen weqening hemmeylenni qayghugha salghanliqini, bu xil weqelerning diniy erkinlikke hörmet qilishni kapaletlendürüsh xizmetlirini qetiy dawamlashturush arzusini kücheytidighanliqini otturigha qoydi.
her bir diniy jamaetning ibadet qilidighan orunlirigha hörmet qilishning girétsiye üchün munazire telep qilmaydighan qimmet ikenlikini eskertken kalankis, hujum qilghuchini qolgha chüshürgen girétsiye saqchilirini tebriklidi.
iskeche muptiliqimu weqe toghrisida bayanat élan qilip, bir kishining ilija yézisidiki meschitke kirip, buzghunchiliq salghanliqini uqturdi.
firansiye puqrasi bir hujumchining meschittiki quran kerimlerni yirtip yerge tashlighanliqi we munberning perdisige ziyan yetküzgenliki bildürülgenidi.
iskeche muptisi mustapa trampa bilen mustapachowa sheherlik hökümetning bashliqi ridwan délixuseyin nazaret astigha élinghan hujumchi üstidin sotqa erz sunghanidi.
مۇناسىۋەتلىك خەۋەرلەر
seudi erebistan 6 iran muxbirini chégradin qoghlap chiqardi
sseudi erebistan iran dölet téléwiziyesining 6 muxbirini chégradin qoghlap chiqardi.
