ئافغانىستاندىكى سۇيىقەستنىڭ جاۋابكارلىقىنى دائېش ئۆز ئۈستىگە ئالدى

تۈركىيە ئاۋازى رادىيوسى خەۋىرى: تېررورلۇق تەشكىلاتى دائېش ئاممىۋى ئورتاقلىشىش تور بېتىدىكى سەھىپىسىدە ئېلان قىلغان باياناتىدا، تۈنۈگۈن (6-ئىيۇن) ئەتىگەن تەرەپلەردە يۈز بەرگەن سۈيىقەستنىڭ جاۋابكارلىقىنى ئۆز ئۈستىگە ئالدى.

ئافغانىستاننىڭ بەدەخشان ۋىلايىتىنىڭ مەركىزىي ناھىيەسى فەيزئابادنىڭ مەھكىمە مەيدانىدا، بەدەخشان ۋىلايىتىنىڭ مۇئاۋىن ۋالىيسى مەۋلىۋى نىسار ئەھمەد ئەھمەدى سۈيىقەستكە ئۇچراپ، ھاياتىدىن ئايرىلغانىدى.

9-مارت كۈنى ئافغانىستاننىڭ بەلخ ئۆلكىسىنىڭ ۋالىي مەھكىمىسى بىناسىدا يۈز بەرگەن ۋە تېررورلۇق تەشكىلاتى دائېش ئۆز ئۈستىگە ئالغان بومبا ھۇجۇمىدا، تالىبان ۋاقىتلىق ھۆكۈمىتىنىڭ ۋالىيسى مەھمۇد داۋۇد مۇزەممىل قازا قىلغانىدى.

2021 - يىلى ئاۋغۇست ئېيىدا تالىباننىڭ ھاكىمىيەت بېشىغا چىقىشىدىن كېيىن، دائېش تالىبان ئەزالىرى ۋە پۇقرالارغا قاراتقان ھۇجۇملىرىنى تېخىمۇ كۆپەيتكەنىدى.