kéniyediki ölüm rozisi tutup ölgen achliq teriqiti muritlirining sani 145 ke yetti

türkiye awazi radiyosi xewiri: muritlirini ölüm rozisi tutushqa righbetlendürüsh arqiliq janliridin juda bolushini keltürüp chiqarghan «achliq teriqiti» ni tekshürüsh jeryanida bayqalghan kolléktip qebrilerdin yéngi jesetler chiqirildi.

déngiz qirghiqi rayonluq saqchi idarisining komissari roda onyancha teriqet rehbiri paul makénzi térrorluq jinayiti sadir qilish bilen eyibliwatqan tekshürüsh jeryanida, yéngi jesetlerning tépilghanliqini élan qildi.

ilgiri sürülüshiche, teriqetning merkizi malindi bazirida yene 500 din artuq ademning iz-dériki yoq iken.

kéniye metbuatlirining organ etkeschiliki qiliniwatqan bolushi mumkinlikige dair xewerlirining köpiyip qélishidin kéyin bashlanghan tekshürüshler netijiside, bir qisim kishilerning organlirining éliwélinghanliqi otturigha chiqqanidi.

jesetler üstidiki tébbiy tekshürüshler bir qisim balilarning nepes yétishmesliktin ölgenlikini delilligenidi.

achliq teriqitining rehbiri makénzi tekshürüshning béshidiki iqrari jeryanida saqchilargha tekshürüsh netijiside, 1000 kishining jesitining tépilidighanliqini éytqanidi.

Good News International   chérkawining popi paul makénzi niténgéning chérkawdiki kishilerge wez éytip, ach qélish arqiliq hezriti eysa bilen körüsheleydighanliqi heqqide wede bergenliki bildürülgenidi.

niténgé qolgha élinghandin kéyin, New Life  (yéngi hayat) dua merkizi we chérkawi popi ézékiyél odéromu nazaret astigha élinghan we «achliq teriqiti» bilen munasiwetlik jinayi qilmishlarni tekshürüsh komitéti qurulghanidi.