جەنۇبىي كورېيەدە دالا ئوت ئاپىتىنى ئۆچۈرۈش تىرىشچانلىقى داۋاملاشماقتا

تۈركىيە ئاۋازى راديوسى خەۋىرى: گاڭۋون ئۆلكىسىنىڭ باشلىقى كىم جىن تەي گاڭنېڭ شەھىرىنىڭ ئوتتۇرا قىسمىدىكى تاغلىق رايوندا باشلانغان ئوت ئاپىتىنى ئۆچۈرۈش ئۈچۈن 700 دىن ئارتۇق پاژارنى خادىمى ۋە 300 ئاپتوموبىلنىڭ رايونغا ئەۋەتىلگەنلىكىنى بىلدۈردى.

ئوت ئاپىتىدە كەم دېگەندە 44 ئۆي زىيانغا ئۇچراپ ، 300 دىن ئارتۇق ئائىلە تارقاقلاشتۇرۇلدى.

كۈچلۈك شامال ئوت ئۆچۈرۈش ئايروپىلانلىرىنىڭ يۆتكىلىشچانلىقىنى ئاجىزلاشتۇرۇۋەتكەن بولغاچقا، ئەترەتلەرنىڭ ئوت ئۆچۈرۈش خىزمەتلىرىمۇ قىيىنلاشماقتا ئىكەن.