florida ishtatida qoral élip yürüsh qanuni testiqlandi
florida ishtatining waliysi ron désantis (Ron DeSantis) qanunluq sétiwalghan qorallarni mexsus élip yürüsh ijazetnamisi telep qilmaydighan qanun layihesini testiqlidi.
türkiye awazi radiyosi xewiri: amérikada jumhuriyetchiler partiyesining 2024-yili ötküzülidighan pirézidéntliq saylimigha qatnishidighanliqi mölcherliniwatqan florida ishitati waliysi ron désantisning, qanunluq sétiwalghan qorallarni mexsus élip yürüsh ijazetnamisi telep qilmaydighan qanun layihesini testiqlidi.
buninggha asasen, florida ishtatida qanunluq qoralgha ige bolghanlarning qoralini élip yürüsh üchün ayrim ijazetname élishigha kérek bolmaydiken. qanun layihesi ramkisida, ammiwi sorunlarda qoral élip yürüsh üchün telim-terbiye we etrapliq jinayi ishlar xatirisimu telep qilinmaydiken.
bu qanunning 1-iyuldin bashlap yolgha qoyulushi perez qilinmaqta.
aqsaray bayanatchisi karin zhan pyér (Karine Jean-Pierre) yazma bayanat élan qilip, désantisning qararini tenqid qildi.
u florida waliysi désantisning «échinishliq» mektep hujumidin kéyinla mexpiy qoral kénishkisi élish éhtyajini emeldin qaldurghan qanun layihesini «ishikning arqisida» imzalishining «nomussizliq» ikenlikini bildürüp, buning eqilge muwapiq qedem emeslikini tekitlidi.
u bu ishtatta ilgiri yüz bergen qoralliq hujumlarni xatirilitip, pirézidént jo baydinning qoralsizlinish qanunini qéliplashturush üchün dölet emeldarlirini ishtat derijiside heriketke ötüshke chaqirghanliqini qayta eskertti.
