ئافغانىستاندا بىر مەكتەپ بومبا ھۇجۇمىغا ئۇچرىدى

تۈركىيە ئاۋازى رادىيوسى خەۋىرى: جۇزجان ساقچى ئىدارىسىنىڭ باياناتچىسى ئابدۇلسەتتار ھالىمىنىڭ ئاخبارات ۋاسىتىلىرىغا بىلدۈرۈشىچە، سالاھىيىتى ئېنىق بولمىغان بىر كىشى قۇشتەپە ناھىيەسىدىكى بىر مەكتەپكە قول بومبىسى ئاتقان.

ھۇجۇم نەتىجىسىدە، ئىككى ئوقۇغۇچى جېنىدىن ئايرىلغان، تۆت ئوقۇغۇچى يارىلانغان.

شاھىتلارنىڭ بىلدۈرۈشىچە، زوراۋان جۇزجان ناھىيەسىدىكى قىزلار باشلانغۇچ مەكتىپىگە ھۇجۇم قىلغان.

ھۇجۇمنىڭ جاۋابكارلىقىنى تېخىچە ھېچكىم ئۆز ئۈستىگە ئالمىغان.