زېلېنسكىي سۈرىيە پىرېزىدېنتى بەششار ئەسەدكە ئېمبارگو يۈرگۈزۈش قارارنامىسىنى ئىمزالىدى

تۈركىيە ئاۋازى رادىيوسى خەۋىرى: زېلېنسكىينىڭ ئىمزاسى قويۇلغان مۇناسىۋەتلىك قارارنامىنىڭ تېكىستى ئۇكرائىنا پىرېزىدېنتلىقىنىڭ تور بېتىدە ئېلان قىلىندى.

قارارنامىدا ئۇكرائىنا دۆلەت بىخەتەرلىك ۋە مۇداپىئە كېڭىشىنىڭ 2023 - يىلى 15 – مارتتا ماقۇللىغان «شەخسىي، خۇسۇسىي، ئىقتىسادىي ۋە باشقا چەكلەش تەدبىرلىرىنى يولغا قويۇشقا ئالاقىدار قارارنامە» نىڭ رەسمىي يولغا قويۇلغانلىقى بىلدۈرۈلدى.

كېڭەشنىڭ قارارىدا سۈرىيە ھاكىمىيىتى رەھبىرى بەششار ئەسەدنىمۇ ئۆز ئىچىگە ئالغان، 3 نەپەر سۈرىيە پۇقراسى، 7 نەپەر ئىران پۇقراسى ۋە قالغانلىرى رۇسىيە پۇقرالىرى بولۇپ، جەمئىي 300 كىشى ۋە 141 شىركەتكە 10 يىللىق ئېمبارگو يۈرگۈزىلىدىغانلىقى بىلدۈرۈلدى.