زېلېنىسكىي ئۈچ رايوننىڭ ۋالىيسىنى ۋەزىپىدىن ئېلىپ تاشلىدى

تۈركىيە ئاۋازى رادىيوسى خەۋىرى: پىرېزىدېنت ۋولودىمىر زېلېنسكىينىڭ خمېلنىتسكىي، ئودېسسا ۋە لۇخانسكى رايونلىرىنىڭ ۋالىيلىرىنى ۋەزىپىدىن ئېلىپ تاشلىغانلىقى توغرىسىدىكى پەرمانى، ئۇكرائىنا پىرېزىدېنتلىق مەھكىمىسىنىڭ تور بېكىتىدە ئېلان قىلىندى.

پەرمانغا ئاساسەن، خمېلنىتسكىي ۋالىيسى سېرگېي گامالي، ئودېسسا ۋالىيسى ماكسىم مارچېنكو ۋە لۇخانسكى ۋالىيسى سېرگېي گايداي خىزمىتىدىن بوشىتىلدى.