شىۋېتسىيە بۇ قېتىم قۇرئان كەرىمنىڭ كۆيدۈرۈلۈشىگە رۇخسەت قىلمىدى
دانىيەنىڭ ئاشقۇن ئوڭ قانات «تار يۆنىلىش پارتىيەسى» رەھبىرى راسمۇس پالۇداننىڭ قۇتراتقۇلۇق قىلمىشىدىن كېيىن، شىۋېتسىيە ھۆكۈمىتى بۇ قېتىم تۈركىيەنىڭ ستوكھولمدىكى ئەلچىخانىسى ئالدىدا قۇرئان كەرىمنى كۆيدۈرۈشكە رۇخسەت قىلمىدى.
1944336
تۈركىيە ئاۋازى رادىيوسى خەۋىرى: ستوكھولم ساقچىخانىسى باياناتچىسى ئولا ئوستېرلىڭ بايانات بېرىپ، بىر كىشىنىڭ تۈركىيەنىڭ ستوكھولمدىكى ئەلچىخانىسى ئالدىدا قۇرئان كەرىمنى كۆيدۈرۈشى ئۈچۈن سۇنغان تەلىپىنىڭ رەت قىلىنغانلىقىغا ئىشارەت قىلىپ: «تەلەپنى رەت قىلىشتىن ئىلگىرى، شىۋېتسىيە ئىستىخبارات (دۆلەت بىخەتەرلىك) ئىدارىسى بىلەن بۇ ھەقتە سۆھبەتلەشتۇق ۋە بۇنىڭغا ئاساسەن، مەزكۇر كىشىنىڭ پائالىيەت ئېلىپ بېرىشىغا رۇخسەت قىلماسلىقنى قارار قىلدۇق» دېدى، ئەمما، ئۇ ئىلتىماس سۇنغان كىشىنىڭ سالاھىيىتىنى ئاشكارىلىمىدى.