stokholmda jumhur reis rejep tayyip erdoghanni qollash namayishi ötküzüldi
yawropa türk démokratlar ittipaqi (UETD) ezaliri jumhur reis rejep tayyip erdoghanni qollash namayishi ötküzdi.
türkiye awazi radiyosi xewiri: daniyelik stram kurs (tar yönilishlik partiye) ning rehbiri rasmus paludanning shiwitsiye saqchilirining ruxsiti bilen stokholmdiki türkiye elchixanisi aldida quranni köydürüsh ighwagerchilikidin kéyin, yawropa türk démokratlar ittipaqi (UETD) ezaliri jumhur reis rejep tayyip erdoghanni qollash namayishi ötküzdi.
paytext stokholmda türkiye elchixanisining aldida bir yerge jem bolghan yawropa türk démokratlar ittipaqi (UETD) ezaliri rasmus paludanning quranni köydürüsh ighwagerchilikige naraziliq bildürdi we qollirida «hörmetlik jumhur reisimiz biz sizni söyimiz» dégen lozinkilarni kötürüp, özlirining türkiye we jumhur reis erdoghan terepte turidighanliqini ipadilidi.
ashqun ongchi rasmus paludan shiwitsiye saqchilirining ruxsitini alghandin kéyin, türkiyening stokholm elchixanisi aldida quranni köydürüp muhemmed eleyhissalamgha haqaretlerni öz ichige alghan kartonlar sizilghan pilakat achqan idi.
daniyede irqiy ayrimchiliq qatarliq nurghun jinayetler bilen 2020 - yili bir ayliq qamaq jazasigha höküm qilinghan rasmus paludan ilgirimu shiwitsiye we daniyede quran kirimni köydürgen idi.
