iranning sabiq muawin mudapie ministiri ölüm jazasigha höküm qilindi
iran sabiq muawin dölet mudapie ministiri eli riza ekberini engliyege jasusluq qilish jinayiti bilen eyiblep, ölüm jazasigha höküm qildi.
1931813
türkiye awazi radiyosi xewiri: iran edliye orgini qarmiqidiki mizan xewer agéntliqi, ekberining bir mezgil ilgiri irangha qarshi engliyege jasusluq qilghanliqi üchün tutqun qilinip türmige tashlanghanliqini we sot mehkimisi teripidin ölüm jazasigha höküm qilinghanliqini xewer qildi.
mehkimining ölüm jazasi qarari aliy sotning étiraz erzini ret qilishi bilen jezmleshken boldi.
yene bir tereptin, iran istixbarat ministirliqi ekberining döletning sezgür we istratégiyelik merkezlirining uchurlirini engliyening «MI6» namliq dölet bixeterlik idarisigha yetküzüp bergenlikining pash bolghanliqini bildürdi.
bayanatta, eli riza ekberi, «iranning istratégiyelik organlirigha munasiwetlik muhim uchurlarni toplap, nurghun qétim meqsetlik halda engliye istixbarat idarisigha yetküzüp bergen eng muhim jasuslarning biri» dégen ibarilerge orun bérildi.
eli riza ekberi 1997-yilidin 2005-yilighiche bolghan ariliqta wezipe ötigen pirézidént muhemmed xatemi dewride muawin dölet mudapie ministiri bolghan.
gerche iran-engliye qosh dölet tewelikige ige ikenliki qeyt qilinghan ekberining qachan qolgha élinghanliqi toghrisida héchqandaq uchur bérilmigen bolmisimu, emma dölet taratquliri uning «2019- 2020-yilliri» ariliqida tutqun qilinghanliqini ilgiri sürdi.
مۇناسىۋەتلىك خەۋەرلەر
amérika – xitay dölet mudapie ministirliri singaporda körüshidu
amérika – xitay dölet mudapie ministirliri kéler hepte singaporda tunji qétim yüzturane körüshidu.
