ماسك ئىرانلىقلار ئۈچۈن تەخمىنەن 100 دانە ستارلىنك تېرمىنالىنى ئاكتىپلاشتۇرغانلىقىنى جاكارلىدى

تۈركىيە ئاۋازى رادىيوسى خەۋىرى: ماسك سېنتەبىر ئېيىدا بايانات بېرىپ، ئىراندىكى كۈنسېرى ئېغىرلىشىۋاتقان تورغا چىقىش چەكلىمىسىگە قارشى ئىرانلىقلارنى سۈنئىي ھەمراھ ئىنتېرنېت مۇلازىمىتى بىلەن تەمىنلەيدىغانلىقىنى ۋەدە قىلغانىدى.

ماسك ئۆزىنىڭ ئىجتىمائىي تاراتقۇ سۇپىسى تۋىتتېردا بۇ ھەقتە ئۇچۇر ھەمبەھرىلەپ، ئىراندا 100 گە يېقىن «ستارلىنك» نىڭ ئاللىبۇرۇن مەشغۇلات باشلىۋەتكەنلىكىنى ئۇقتۇردى.

ستارلىنك، يەرشارىدىن نەچچە يۈز كىلومىتىر يىراقلىقتا بولۇپ، 2000 دىن ئارتۇق كىچىك سۈنئىي ھەمراھتىن پايدىلىنىپ، كىشىلەرنى ئىنتېرنېت بىلەن تەمىنلەيدۇ.

ئېلون ماسك بۇ يىلنىڭ بېشىدا (2022) رۇسىيە ئۇرۇش ئاچقان ئۇكرائىنادىكى ستارلىنك تېرمىنالىنى قوزغاتقان بولۇپ، ئۇكرائىنالىقلار ئۇنى «قەھرىمان» دەپ ئېلان قىلغانىدى.