pakistan bilen tajikistan otturisida özara hemkarliq kélishimliri imzalandi

türkiye awazi radiyosi xewiri: pakistan dölet taratquliridiki xewerlerde bildürülishiche, resmiy dölet ishliri ziyariti üchün paytext islamabadqa yétip kelgen tajikistan pirézidénti imameli raxman, pakistan bash ministiri shahbaz sherif bilen körüshüp, énérgiye tori, yéza igiliki, yémek-ichmek téxnologiyesi, soda, bilim we téxnologiye saheliride özara pikir almashturghan.

ikki rehber körüshüshte yene, pakistan bilen tajikistan otturisidiki munasiwetler we iqtisadiy hemkarliqlarning kücheytilishini tekitligen.

pakistan bash ministiri shahbaz sherif «CASA-1000» yuqiri bésimliq éléktr linyesi qurulushini imkaniyetning bariche eng qisqa waqit ichide pütküzüsh üchün pirézidént raxman bilen birlikte tirishchanliq körsitishni xalaydighanliqini bildürgen.

ikki dölet otturisida sanaet, bilim we téxnologiye bilen soda we tereqqiyat saheliride özara hemkarliq kélishimliri imzalandi.

qirghizistan bilen tajikistanning tokini afghanistan arqiliq pakistangha yetküzidighan «CASA-1000» yuqiri bésimliq éléktr linyesi qurulushigha munasiwetlik xizmetler 2016-yili bashlanghan idi.