nobél mukapatliri tarqitish murasimi stokholmda ötküzüldi
xitaydin tarqalghan kowid-19 yuqumi sewebidin ikki yildin buyan nobél mukapati tarqitish murasimliri ötküzülelmigen idi.
türkiye awazi radiyosi xewiri: shiwétsiyening paytexti stokholmda 2022 - yilliq nobél mukapati alahide murasim bilen tarqitip bérildi.
stokholm konsért öyide ötküzülgen murasimda fizika, tibabet, ximiye we iqtisad qatarliq saheler boyiche mukapat tarqitildi.
mukapatqa layiq körülgenler öktebirde mueyyenleshken bolup, emma nobél mukapatliri alfréd nobélning wapat xatire küni bolghan 10 – dékabirda tarqitip bérildi.
alayin aspékt, jon klawsér we anton zélinggér fizika mukapatigha, karolin bértozi, mortén méldal we bari sharplés ximiye mukapatigha, swanté pabo tibabet mukapatigha, bén bérnanké, doglas daymond we filip dibwig iqtisad mukapatigha érishti.
mukapatqa érishkenlerge nobél médaliyoni, diploma we texminen 900 ming yawro nex pul mukapat bérildi.
murasimgha rusiye we bélorusiye emeldarliri teklip qilinmidi.
nobél mukapati tarqitish murasimliri xitaydin tarqalghan kowid-19 yuqumi sewebidin 2020 - we 2021 - yilliri ötküzülmigen idi.
