һиндистанда йүз бәргән мандос қара боран апити җәнубқа еғир зийан салди
һиндистанниң җәнубиға еғир тәсир көрсәткән мандос қара боран апити сәвәбидин 5 киши қаза қилди.
түркийә авази радийоси хәвири: һиндистанниң тамил наду өлкисигә еғир тәсир көрсәткән мандос борининиң сүрити саитигә 75 километирға йетип, шиддәтлик йамғурғиму сәвәб болди вә районда ток үзүлүп, нурғун биналар зийанға учриди. йүзлигән дәрәх өрүлүп чүшти.
боран кәлтүрүп чиқарған вәйранчилиқта, тамил наду өлкисидә 5 киши һайатидин айрилди. боран өлкә миқйасида 185 өй вә туралғуға еғир зийан салди.
апәттин қутқузуш гуруппилири 25 миң кишиниң боранниң тәсиригә учриғанлиқини вә районда қутқузуш хизмәтлирини давамлаштуриватқанлиқини билдүрди.
өлкиниң пайтәхт ченәй айродромида болса, 13 дөләт ичи вә 3 хәлқаралиқ болуп, җәмий 16 нөвәтчи айропилан әмәлдин қалдурулди.
һазирға қәдәр өйлиридин тарқақлаштурулған 9 миң пуқра панаһлиниш мәркәзлиригә орунлаштурулди.
һиндистан метеорологийә тармақлириниң байанатида, мандос қара борининиң қуруқлуққа йүзләнгәнсири аҗизлаватқанлиқи, ғәрбий җәнубқа қарап илгириләватқанлиқи билдүрүлди.
