G7 دۆلەت گۇرۇھى ئۇكرائىناغا قىشلىق ياردەم قىلىدۇ

تۈركىيە ئاۋازى رادىيوسى خەۋىرى: گېرمانىيە تاشقى ئىشلار مىنىستىرى ئاننالېنا بايېربوك (Annalena Baerbock) G7 دۆلەت گۇرۇھى تاشقى ئىشلار مىنىستىرلىرىنىڭ گېرمانىيەنىڭ مۈنستېر شەھىرىدە ئۆتكۈزۈلىدىغان يىغىنىدىن ئىلگىرى بايانات ئېلان قىلىپ: «G7 دۆلەت گۇرۇھىدىكى شېرىكلىرىمىز بىلەن ئۇكرائىناغا قىش پەسىللىك ياردەم قىلىمىز» دېدى.

ئۇ باشقا نۇرغۇن دۆلەتلەرنىڭمۇ بۇ ياردەمنى قوللايدىغانلىقىنى بىلدۈرۈپ: «بۇ قىشلىق ياردەم خەلقئارالىق قانۇننى دەپسەندە قىلىشنى قوبۇل قىلمايدىغانلىقىمىزنى بىلدۈرىدۇ. رۇسىيە پىرېزىدېنتى ۋلادىمىر پۇتىننىڭ ئۇكرائىنانى پارچىلاش ئىستراتېگىيەسىنى ھەرگىزمۇ قوبۇل قىلمايمىز. خەلقئارالىق بىر پۈتۈنلۈكنى بۇزۇشقا ئۇرۇنۇشنى قوبۇل قىلمايمىز» دېدى.

ئۇ پۇتىننى ئۇكرائىنانىڭ ئېنېرگىيە ئۇل-ئەسلىھەلەرگە ھۇجۇم قىلىپ، تېخىمۇ ئىنسانىيلىققا يات ھالغا چۈشتى دەپ ئەيىبلەپ، G7 دۆلەت گۇرۇھى دۆلەتلىرىنىڭ ياشانغانلار، ئاياللار ۋە بالىلارنىڭ سوغۇقتىن ياكى ئاچارچىلىق سەۋەبىدىن ئۆلۈشىگە رۇخسەت قىلمايدىغانلىقىنى تەكىتلىدى.