zélénskiy: «biz ukrainaning musteqilliqini qoghdiduq, rusiye buni hergiz özgertelmeydu»
ukraina pirézidénti wolodimir zélénskiy rusiyening hujumigha qarita, «biz ukrainaning musteqilliqini qoghdiduq, rusiye buni hergiz özgertelmeydu» dédi.
türkiye awazi radiyosi xewiri: zélénskiy télégramma hésabida hembehirligen sinliq uchurida, bügün rusiye bilen ukraina otturisidiki urushning dawamlishiwatqinigha 8 ay bolghanliqini eskertti.
zélénskiy rusiyening dölitige qilghan hujumlirigha qarimay, ukrainaning musteqilliqini qoghdighanliqini, rusiye qisimliri tishghal qilghan yerlerni qayturup élishni dawamlashturiwatqanliqini bildürüp, «biz dölitimizning musteqilliqini qoghdiduq, rusiye buni hergiz özgertelmeydu. ukrainaning zéminlirini qedemmu-qedem azad qiliwatimiz» dédi.
zélénskiy xérson, xarkiw, donétsik, luxansk, zarporijya, qirim we ukrainaning barliq rayonlirini azad qilish üchün küresh qiliwatqanliqini tekitlep, «barliq ukraina azad bolidighan waqit kélidu» dédi.
zélénskiy rusiye bilen iranning bügünki künde ukrainani gherb döletlirige qarshi bir qisim asassiz eyibleshler bilen shikayet qilishqa uruniwatqanliqini, emma buningda meghlup bolushqanliqini, eslide emdilikte dunyaning rusiyege ishenmeydighanliqini eskertip, «rusiyede meghlubiyet tuyghusi barghanche küchiyiwatidu» dédi.
