amérika yaponiye we koréye bilen manéwir ötküzdi

türkiye awazi radiyosi xewiri: amérika dölet mudapie ministirliqi-péntagon bayanatchisi patrik riydér (PatrickRyder) kündilik axbarat élan qilsh yighinida, shimaliy koréyening bashqurulidighan bomba sinaq qilghanliqini we étilghan bombilarning yaponiye hawa tewelikidin ötkenlikini bildürüp: «amérika bu heriketlerni eyibleydu we shimaliy koréyeni muqimliqqa köp ziyan salidighan heriketler, shundaqla qanunsiz paaliyetlerdin yiraq turushqa chaqiridu» dédi.

u piyongyangning bashqurulidighan bomba siqigha jawab süpitide amérika déngiz armiye quruqluq qisimliri bilen yaponiye mudapie qisimlirining yaponiye déngizida birleshme manéwir ötküzgenlikini؛ oxshash waqitta yene, amérika hindi-tinch okyan qisimlirining jenubiy koréye armiyesi bilenmu gherbiy déngiz terepte birleshme manéwir ötküzgenlikini bildürdi.

u munularni körsetti:

«bulargha qoshumche, dölet mudapie ministiri ostin shimaliy koréyening bashqurulidighan bomba sinaqliri peyda qilghan tehditlerni we aqiwetlirini muzakire qilish üchün yaponiye hemde jenubiy koréyening mensepdashliri bilen körüshti. ministirlar tünügünki (4-öktebir) bashqurulidighan bomba siniqining b d t xewpsizlik kéngishining qararlirigha ochuq-ashkara xilapliq qilish ikenlikini, rayon tinchliqi hemde bixeterlikige tehdit salidighanliqi mesiliside birlikke keldi. ministir ostin mensepdashlirigha, amérikaning ikki dölet bilen bolghan shériklik munasiwetlirige emel qilidighanliqini eskertip, yaponiye bilen jenubiy koréyeni qoghdash iradesining saghlam ikenlikini bildürdi.»

u rayonda ötküzülüwatqan manéwirlarning heywe qilish yaki emesliki toghrisidiki soalgha: «mezkur manéwirlar birlikte sijil xizmet qilish, ortaq heriket qilish nuqtisidin intayin muhim. buning shimaliy koréyege, amérikaning yaponiye bilen jenubiy koréyeni qollaydighanliqini, her türlük tehditlerge qarshi birlikte heriket qilidighanliqi signalini béridu» dep jawab berdi.