putin semerqentte ayrim rehberler bilen ayrim körüshüshni bashliwetti

türkiye awazi radiyosi xewiri:shangxey hemkarliq teshkilatining achquchluq döletliridin rusiye pirézidénti wladimir putin, yighingha qatnishidighan döletlerning rehberliri bilen ayrim-ayrim körüshti.

u deslepte qirghizistan pirézidénti sadir japparow bilen körüshüp, qirghizistangha qilghan iqtisadiy yardemler toghrisida toxtaldi.

u mundaq dédi:

«ötken yili (2021) qirghizistangha 20 milyon dollar yardem qilduq. bu yilmu (2022) qirghizistanda chégrada yüz bergen tiragédiyelik weqeler sewebidin ziyangha uchrighan ul-esliheler üchün 1 yérim milyon dollar ajrattuq. buni yéngidin yüz bergen tiragédiyelik weqelerni közde tutqan halda qilimiz» dédi.

u türkmenistan pirézidénti serdar berdimuhemmedow bilen körüshkende, türkmenistanda échilghan hazar bashliqlar yighinining muweppeqiyetlik bolghanliqini bildürüp, serdar berdimuhemmedowgha teshekkür éytti.

u iran pirézidénti ibrahim reisi bilen körüshkende bolsa, rusiyening iranning shangxey hemkarliq teshkilatigha eza bolushini qollighanliqini qeyt qildi.

u: «özara hemkarliqlirimiz yuqiri téxnologiye sahesini öz ichige alghan halda ijabiy tereqqiy qiliwatidu. 9-awghustta (2022) bayqunur alem ponkitidin heyyam süniy hemrahi qoyup bérildi. kéyinki basquchta rusiye bilen iran otturisida munasiwetlerning istratégiyelik shériklik sewiyesige chiqirilishidin bésharet béridighan yéngi muhim kélishim tüzülüwatidu» dédi.

u pakistan bash ministiri shahbaz sherif bilenmu körüshti we kelkünde jénidin ayrilghanlar üchün teziyesini bildürdi.

u: «pakistanni muhim shériklirimizdin biri süpitide köridighanliqimizni éytishni xalaymen. buningdin ilgiri zörür insanperwerlik yardemlirini apet uchrighan rayonlargha ewettuq. buningdin kéyinmu kelkünning tesirige uchrighanlargha yardem qilishni dawamlashturushqa teyyarmiz» dédi.

bildürülishiche, rusiye pirézidénti putin bilen türkiye jumhur reisi rejep tayyip erdoghan ete ayrim körüshidiken.