ئامېرىكادا قوراللىق ھۇجۇم قىلىش ۋەقەسى يۈز بەردى
ئامېرىكانىڭ ئورېگون ئىشىتاتىغا قاراشلىق بېند شەھىرىدىكى بىر سودا سارىيىدا قوراللىق ھۇجۇم قىلىش ۋەقەسى يۈز بېرىپ، كەم دېگەندە ئۈچ ئادەم قازا قىلدى.
تۈركىيە ئاۋازى رادىيوسى خەۋىرى: CNN نىڭ خەۋىرىگە قارىغاندا، ساقچى تارماقلىرى، مەزكۇر قوراللىق ھۇجۇم قىلىش ۋەقەسىدە جىنايەت گۇماندارىنى ئۆز ئىچىگە ئالغان ئۈچ كىشىنىڭ قازا قىلغانلىقىنى ئۇقتۇرغان.
ئالاقىدار تارماقلارنىڭ بىلدۈرۈشىچە، ھۇجۇمچى باشتا ماشىنا توختىتىش مەيدانىدا ئەتراپقا ئوق چىقىرىپ، بىر ئادەمنى ئېتىۋەتكەن، يارىدار ھالەتتە دوختۇرخانىغا ئېلىپ بېرىلىپ كىشى داۋالاش ئۈنۈم بەرمەي قازا قىلغان. ھۇجۇمچى ئوق چىقىرىشنى داۋاملاشتۇرۇپ، بىر دۇكانغا باستۇرۇپ كىرىپ، ئۇ يەردىكى باشقا بىر ئادەمنى ئۆلتۈرگەن.
دائىرىلەر، دۇكاندا قازا قىلغان ئۈچىنچى كىشىنىڭ ھۇجۇمچى بولۇشى مۇمكىنلىكىنى بىلدۈردى.
ئادەم ئۆلۈش ۋە يارىلىنىشنى كەلتۈرۈپ چىقارغان ۋەقەنى تەكشۈرۈشنىڭ داۋام قىلىۋاتقانلىقى بىلدۈرۈلدى.
مۇناسىۋەتلىك خەۋەرلەر
ئافغانىستاندىكى كەلكۈن ئاپىتىدە قازا قىلغانلارنىڭ سانى 300 دىن ئاشتى
ئافغانىستاننىڭ باغلان ۋىلايىتىدە يۈز بەرگەن كەلكۈن ئاپىتىدە قازا قىلغانلارنىڭ سانى 300 دىن ئاشتى.