nato türkiyege teshekkür éytti

türkiye awazi radiyosi xewiri: nato bash katipi stolténbérg twittér adrésida ukraina ashliqini yötkesh musapisi toghrisida bayanat élan qildi.

u ashliq bésilghan birinchi paraxotning kélishim boyiche odésa portidin yolgha chiqqanliqini bildürüp: «ittipaqdishimiz türkiyege, mezkur mesilide muhim rol oynighanliqi sewebidin teshekkür éytimen» dédi.

türkiye dölet mudapie ministirliqi bügün etigen (2022-yili 1-awghust) ukrainaning odésa portidin ashliq bésilghan birinchi paraxotning yolgha chiqqanliqini élan qilghan idi.

bayanatta, liwanning tiripoli shehirige bérish üchün odésadin qozghalghan qonaq bésilghan «razoni» namliq paraxotning ete (2-awghust) istanbulda bolidighanliqi bildürülgen idi.