فىرانسىيەدە يېمەكلىك ساھەسىدە باشلانغان باكتېرىيە كرىزىسى كۈنسېرى كۈچەيمەكتە

تۈركىيە ئاۋازى رادىيوسى خەۋىرى: قېتىق ئىشلەپچىقارغۇچى مالو شىركىتى مەملىكەت مىقياسىدىكى بارلىق مەھسۇلاتلىرىنى يىغىۋېلىشنى قارار قىلدى.

قارارنىڭ مەھسۇلاتتا <E.coli> باكتېرىيەسى بايقالغاندىن كېيىن ئالدىنى ئېلىش تەدبىرى سۈپىتىدە ئېلىنغانلىقى  بىلدۈرۈلدى.

شىركەت <Ille-et-Vilaine> شىھىرىدىكى زاۋۇتتا ئىشلەپچىقىرىلغان بارلىق قېتىق مەھسۇلاتلىرىنىڭ يىغىۋىلىنىدىغانلىقىنى ئېلان قىلدى.

سېتىشتىن قالدۇرۇلغان مەھسۇلاتلارنىڭ 8 - ئىيۇندا ئىشلەپچىقىرىلىدىغانلىقى ۋە  مۇددىتى 11 - ئىيۇلدا تولىدىغانلىقى بىلدۈرۈلدى، قايتۇرۇلغان مەھسۇلاتلارنىڭ پۇلىنىڭ خېرىدارلارغا قايتۇرۇپ بېرىلىدىغانلىقى ئۇقتۇرۇلدى.

فىرانسىيەدە يېقىندىن بۇيان يېمەكلىك ساھەسىدىىن ئارقىمۇ ئارقا چىققان باكتېرىيە خەۋەرلىرى ئەندىشە ياراتماقتا.

مارت ئېيىدىمۇ «Buitoni» ماركىسىغا تەۋە پىسا مەھسۇلاتلىرىدا <E.coli> باكتېرىيەسى بايقالغان ۋە پىسانى يېگەن ئىككى كىچىك بالا قازا قىلغان ئىدى.