shangxey bilen guangju dunya boyiche turmush tennerxi eng qimmet 8- we 9 -sheherge aylandi
dunya boyiche turmush tennerxi eng qimmet sheherler tizimlikide, xongkong 1 – boldi.
türkiye awazi radiyosi xewiri: amérikaning eng alemshumul sheherliridin birsi bolghan niyu york, xongkongdin qalsila «muhajir» dep atilidighan chet ellik ishchilargha nisbeten dunya boyiche turmush tennerxi eng qimmet 2 – sheher bolup bahalandi.
turmush tennerxi sanliq melumati jehettin 50 yilliq tejribige ige meslihet shirkiti «ECA International» ning tizimlikide, ötken yili (2021) 4 - orunda turghan niyu yorkning emdilikte bolsa, ijare we yémeklik bahasining heddidin ziyade ösüshi sewebidin chet ellik ishchilargha nisbeten dunya boyiche eng qimmet 2 – sheherge aylanghanliqi élan qilindi.
shirketlerning xelqaraliq xadimliri üchün turmush yardem pulini hésablishigha yardemchi bolidighan bazar tetqiqat shirkiti «ECA International» ning bu yil mart éyida (2022) bir istakan qehwedin yérim kilogiram pemidurghiche oxshimighan mehsulatlarning tennerxini sélishturush arqiliq qolgha keltürgen sanliq melumatlirida, dunya buyiche eng qimmet 3 sheher ret boyiche xongkong, niyu york we jenwe (shiéytsariye) dep békitildi.
bahalashta, engliye paytexti london ijare heqqining texminen %20 örlishi netijiside 4 -, yaponiyening paytexti tokyo 5 -, israiliyening paytexti tél awiw 6 -, xitayning shangxey shehiri 8 – we guangju shehiri 9 - orungha ötti.
