شىۋېتسىيە باش مىنىستىرى تۈركىيە بىلەن ئۆتكۈزۈلۈۋاتقان سۆھبەتلەر توغرىسىدا توختالدى

تۈركىيە ئاۋازى رادىيوسى خەۋىرى: ماگدالېنا ئاندېرسون پايتەخت ئىستوكھولمدا ئۆتكۈزۈلگەن بىر يىغىنغا ئىشتىراك قىلغان بىرلەشكەن دۆلەتلەر تەشكىلاتى (ب د ت) باش كاتىپى ئانتونىيو گۇتېررېس بىلەن كۆرۈشتى.

ئاندېرسون ئۇچرىشىشتىن كېيىن ئۆتكۈزۈلگەن مۇخبىرلارنى كۈتۈۋېلىش يىغىنىدىكى سۆزى جەريانىدا، تۈركىيە بىلەن شىۋېتسىيەنىڭ شىمالىي ئاتلانتىك ئەھدى تەشكىلاتى — ناتو سۆھبەتلىرى توغرىسىدا توختىلىپ: «تۈركىيە بىلەن كۆرۈشتۇق، مەن يېقىن كەلگۈسىدىمۇ بەرپاچى ئۇچرىشىش ۋە سۆھبەتلەرنىڭ داۋاملىشىشىنى ئۈمىد قىلىمەن. بىز بۇ مەسىلىدە فىنلاندىيە بىلەن بىرلىكتە ھەرىكەت قىلىمىز» دېگەنلەرنى قەيت قىلدى.