مېكسىكادا بىر زاۋۇتتا يۈز بەرگەن توقۇنۇشتا 8 كىشى قازا قىلدى

تۈركىيە ئاۋازى رادىيوسى خەۋىرى: ھىدالگو ۋالىيسى ئۆمەر فاياد تىۋىتتېردا ئېلان قىلغان باياناتىدا، كرۇز ئازۇل سېمونت زاۋۇتىدا رىقابەتچى ئىشچىلار گۇرۇپپىسى ئوتتۇرىسىدا توقۇنۇش يۈز بەرگەنلىكىنى بىلدۈردى.

ئۆمەر فاياد توقۇنۇشتا 8 كىشىنىڭ ھاياتىدىن ئايرىلغانلىقى ۋە 11 كىشىنىڭ يارىلانغانلىقىنى بىلدۈرۈپ ۋەقەگە چېتىشلىق 9 كىشىنىڭ قولغا ئېلىنغانلىقىنى ئەسكەرتتى.

توقۇنۇش جەريانىدا بەزى ئاپتوموبىللار زىيانغا ئۇچرىدى.

ۋەقە ھەققىدە تەكشۈرۈش باشلاندى.