سۇداننىڭ دارفۇر رايونىدا قانلىق توقۇنۇش يۈز بەردى
سۇداننىڭ غەربىي دارفۇر رايونىدا ئىككى قەبىلە ئوتتۇرىسىدا يۈز بەرگەن توقۇنۇشلاردا تەخمىنەن 170 كىشى جېنىدىن ئايرىلدى.
تۈركىيە ئاۋازى رادىيوسى خەۋىرى: سۇدان تاراتقۇلىرىدىكى خەۋەرلەردە بىلدۈرۈلىشىچە، جىنەينە شەھىرىدىكى كىرەينىك رايونىدا 24-ئاپرېل ئافرىقا ۋە ئەرەب نەسىللىك قەبىلىلەر ئوتتۇرىسىدا باشلانغان توقۇنۇشلاردا تەخمىنەن 170 كىشى جېنىدىن ئايرىلغان، ئونلارچە كىشى يارىلانغان.
تۈنۈگۈن (25-ئاپرېل) چۈشتىن كېيىن كىرەينىك ئەتراپىدىكى تۇرالغۇلارغىچە كېڭەيگەن توقۇنۇشلار سەۋەبىدىن مىڭلارچە كىشى قوشنا شەھەرلەرگە قېچىشقا مەجبۇر بولدى.
دارفۇردىكى مۇساپىرلار ۋە ئۆي-ماكانلىرىدىن ئايرىلغانلار باش كوردىناتورى باياناتچىسى ئادام رىگال يەكشەنبە كۈنى (24-ئاپرېل) قوراللىق ھۇجۇمچىلارنىڭ كىرەينىك رايونىغا باستۇرۇپ كىرىشى نەتىجىسىدە، 164 تىن ئارتۇق كىشىنىڭ جېنىدىن ئايرىلغانلىقىنى، 100 دىن ئارتۇق كىشىنىڭ يارىلانغانلىقىنى ئېيتتى.
ب د ت پۇقرالارنىڭ ئۆلتۈرۈلۈشىنى ئەيىبلەپ، زوراۋانلىقلارنىڭ بالدۇرراق ئاخىرلىشىشىنى ۋە ئوچۇق-ئاشكارا ھالدا تەكشۈرۈش ئېلىپ بېرىلىشىنى تەلەپ قىلدى.