buchada ikkinchi kolléktip mazarliq tépildi

türkiye awazi radiyosi xewiri: bucha shehiride tépilghan ikkinchi mazarliqtin sekkiz puqraning jesiti chiqirildi.

buchada rusiyening ishghali astida qalghan künlerde rusiye eskerliri teripidin étip öltürülgenliki ilgiri sürülgen puqralarning jesetliri chiqirildi we kimlikini békitish üchün edliye tibbiy merkizige ewetildi.

ezize andriya chérkawining ich hoylisida töt kün ilgiri tunji qétim tépilghan kolléktip mazarliqning yénida tépilghan ikkinchi mazarliqtin chiqirilghan jesetler, DNA tekshürüshi üchün nomur qoyuldi we munasiwetlik organlargha ewetilishi üchün teyyarlandi.

jeset chiqirish ishlirini neq meydandin közetken bucha rayonining teptishi ruslan krawchénko bayanat élan qilip, birinchi kolléktip mazarliqtin jemiy 57 jesetning chiqirilghanliqini bildürdi.

u jesetlerni tekshürüsh netijilirining, puqralarning rusiye eskerliri teripidin étip öltürülgenlikini otturigha chiqarghanliqini tekitlep: «bu kishiler tarqaqlashturush jeryanida öltürüldi» dédi.

bügün (13-aprél) échilghan ikkinchi mazarliqtin hazirghiche sekkiz jeset chiqirildi.

buchadiki kolléktip mazarliqtin chiqirilghan köpinche jesette boyun, tiz we bedenning bashqa qiismlirida oq izlirini körgili bolidu.

kochidiki jesetlerning süretliri bilen dunya küntertipidin orun alghan we aprélning béshida rusiye armiyesi chékindürülgen bucha shehiride, kochilarda étip öltürülgen puqralar we kolléktip mazarliqning körünüshliri zor inkaslarni qozghidi.