نورۋېگىيەدە ناتونىڭ بىر ئايروپىلانى چۈشۈپ كەتتى

تۈركىيە ئاۋازى رادىيوسى خەۋىرى: نورۋېگىيە دۆلەت تېلېۋىزىيەسى NRK، 4 كىشىلىك ناتو ئايروپىلانىنىڭ «2022 سوغۇق تاقابىل تۇرۇش» ناملىق ناتو مانېۋىرى ئەسناسىدا چۈشۈپ كەتكەنلىكىنى خەۋەر قىلدى.

شىمالىي نورۋېگىيە ئاساسلىق قۇتقۇزۇش مەركىزى باياناتچىسى ژان ئېسكىل سېۋېرىنسېن، رايوندىكى ئىزدەش – قۇتقۇزۇش خىزمەتلىرىنىڭ ناچار ھاۋارايى پەيدا قىلغان قىيىنچىلىقلارغا قارىماي داۋاملاشتۇرۇلۇۋاتقانلىقىنى، ئايروپىلاندىكى خادىملارنىڭ سالامەتلىك ئەھۋالى توغرىسىدا ھېچقانداق ئۇچۇر يوقلۇقىنى ئەسكەرتتى.

نورۋېگىيە قوراللىق قىسىملىرى ئالاقە ئىشلىرى مەسئۇلى ئولې كرىستىئان ئېمائۇسمۇ ئايروپىلاندىكى كىشىلەرنىڭ دۆلەت تەۋەلىكىنى بىلمەيدىغانلىقىنى تەكىتلەپ، ئەمما ئايروپىلاننىڭ ئامېرىكاغا تەۋە ناتو ئايروپىلانى ئىكەنلىكىنى بىلدۈردى.