ukrainaning yawropa yoli bashlandi
yawropa ittipaqi komitétining bashliqi ursula fondérléyén ukrainaning yawropa yolidiki musapisining bashlanghanliqini, yawropa ittipaqi komitétiningmu bu yolda ilgirileydighanliqini bildürdi.
türkiye awazi radiyosi xewiri: yawropa ittipaqi komitétining bashliqi ursula fondérléyén ukraina pirézidénti wolodimir zélénskiy bilen sinliq körüshkenliki toghrisida bayanat élan qildi.
u: «pirézidént zélénskiygha yawropa ittipaqining ukrainani dawamliq qollaydighanliqi toghrisida kapalet berdim. ukrainaning yawropa ittipaqi yoli bashlandi. yawropa ittipaqimu bu yolda ilgirileydu» dédi we bu waqitlarda, ghayilik, qeyser hemde chidamchan bolush lazimliqini tekitlidi.
u yene, zélénskiygha yawropa ittipaqi ilgiri testiqlighan makro maliye yardimining 300 milyon yawroluq ikkinchi qismining bérilidighanliqi toghrisida melumat bergenlikini bildürdi.
u mundaq dédi:
«ukrainaning batur xelqi hazir bu pulgha éhtiyajliq. bu menisiz urush dawam qiliwatqan bir waqitta, ukrainaning maliyesige yardem qilidu» dédi.
ukraina 24-féwral rusiyening hujumi bashlanghandin kéyin, 28-féwral yawropa ittipaqigha eza bolush üchün iltimas sunghan idi. yawropa ittipaqi döletliri ezaliq iltimasi heqqide yawropa ittipaqi komitétidin pikir telep qilghan idi.
