رۇسىيە ئامېرىكانى راكېتا موتورى بىلەن تەمىنلەشنى توختاتتى

تۈركىيە ئاۋازى رادىيوسى خەۋىرى: رۇسىيە فېدېراتسىيەسى ئالەم قاتنىشى ئىدارىسى باشلىقى دىمىترىي روگوزىن، رۇسىيەنىڭ دۆلەت ئىگىلىكىدىكى تېلېۋىزىيە قانىلى «Rossiya-24» نىڭ زىيارىتىنى قوبۇل قىلغاندا،  موسكۋانىڭ 90- يىللىرىدىن باشلاپ ئامېرىكانى راكېتا ماتورى بىلەن تەمىنلەۋاتقانلىقىنى بىلدۈردى.

رۇسىيە يۈرگۈزۈلگەن ئېمبارگولار تۈپەيلى موسكۋانىڭمۇ ۋاشىنگتونغا ئەۋەتىلىدىغان مەھسۇلاتلار ھەققىدە قارار چىقارغانلىقىنى بىلدۈرگەن روگوزىن، «بۈگۈن بىز NPO ئېنېرگوماشتا ئىشلەپچىقىرىلغان راكېتا ماتورىنى ئامېرىكاغا ئەۋەتىشنى توختاتتۇق» دېدى.

ئۇ يەنە، گېرمانىيە بىلەن خەلقئارا ئالەم پونكىتىنىڭ رۇسىيە قىسمىدا بىرلەشمە سىناقلارنىڭ ئېلىپ بېرىلمايدىغانلىقىنى سۆزلىرىگە ئىلاۋە قىلدى.