wiyénnada iran yadro kélishimliri söhbiti qaytidin bashlandi

türkiye awazi radiyosi xewiri: yawropa tashqi munasiwetler xizmiti muawin sékrétari we siyasiy diréktori énrik mora (Enrique Mora) ning bashchiliqida dawamlishiwatqan muzakirelerge, rusiye, xitay, gérmaniye, engliye, firansiye we iranning yuqiri derijilik wekilliri qatnashti.

muzakirelerge, 2018-yili kélishimdin öz aldigha chékingen amérika qatnashmidi. énrik mora amérika bilen iranning biwaste söhbetliri sewebidin terepler otturisida özara alaqini kapaletke ige qilidu.

«keng dairilik ortaq heriket pilani» dep atalghan iran yadro kélishimini qaytidin ishqa kirishtürüsh, iranning yadro paaliyetlirini 2015-yili imzalanghan kélishimde belgilengen chekke chüshürüshi, amérikaning kélishimge qaytip kélishi we irangha qarshi yürgüzgen émbargolarni emeldin qaldurushi üchün, munasiwetlik uchrishishlar her xil munberlerde dawamlashmaqta.

muzakireler ramkisida teshkil qilinghan mutexessisler guruppisining xizmetlirini qaytidin bashlishi bilen, axirqi muzakire dep qobul qilinghan sekkizinchi qétimliq muzakire, toxtap qalghan yéridin dawamlashti.

énrik mora 27-dékabir (2021) bashlanghan muzakirelerning sekkizinchisi 28-yanwar (2022) qisqa waqit toxtap qélishtin ilgiri, muzakirelerdin téz xulase chiqirilishi üchün siyasiy qararlargha éhtiyajliq ikenliklirini élan qilghan idi.