جو بايدىن بىلەن ئېممانۇئېل ماكرون ئۇكرائىنادىكى جىددىيچىلىكنى مۇزاكىرىلەشتى

تۈركىيە ئاۋازى رادىيوسى خەۋىرى: ئامېرىكا ئاقساراي پىرېزىدېنت جو بايدىن بىلەن فىرانسىيە پىرېزىدېنتى ماكروننىڭ ئۇكرائىنادىكى جىددىيچىلىكنى مۇزاكىرە قىلغانلىقى توغرىسىدا بايانات ئېلان قىلدى.

ئاقساراي تەرىپىدىن ئېلان قىلىنغان باياناتتا: «رەھبەرلەر رۇسىيەنىڭ ئۇكرائىنا چېگراسىدا داۋاملىشىۋاتقان ئەسكەر توپلىشىغا قارشى دىپلوماتىك ۋە توسۇش خاراكتېرلىك تىرىشچانلىقلارنى مۇزاكىرە قىلدى» دېيىلدى.

باياناتتا يەنە، مۇنداق دېيىلدى:

«رەھبەرلەرئۇكرائىنانىڭ ئىگىلىك ھوقۇقى ۋە زېمىن پۈتۈنلۈكىنى قوللاشنىڭ مۇھىملىقىنى تەكىتلىدى، ئۇكرائىنا ئىتتىپاقداشلىرى ۋە شېرىكلىرى بىلەن مۇزاكىرىلىشىشنى داۋاملاشتۇرۇشقا قوشۇلدى.»