دۇنيا سەھىيە تەشكىلاتىدىن ياۋروپاغا قورقۇنچلۇق ئاگاھلاندۇرۇش

تۈركىيە ئاۋازى رادىيوسى خەۋىرى: دۇنيا سەھىيە تەشكىلاتى ياۋروپانىڭ يۇقۇمنىڭ چاڭگىلىدا ئىكەنلىكىنى، ئەگەر بۇنداق داۋاملاشقان تەقدىردە ياۋروپادا قازا قىلغانلارنىڭ سانىنىڭ 2 مىليون 200 مىڭدىن ئېشىپ كېتىدىغانلىقىنى ئېلان قىلدى.

دۇنيا سەھىيە تەشكىلاتى، 2022-يىلى 31-مارتقىچە 53 دۆلەتنىڭ 49 ىدىكى ئېغىر كېسەللەرنى كۆزىتىش مۇلازىمىتىدە «ئىنتايىن» ياكى «ھەددىدىن زىيادە» زىچلىق يۈز بېرىشى مۆلچەرلىنىۋاتقانلىقىنى بىلدۈردى.

دېلتا ۋارىيانتىنىڭ تەسىرى بىلەن بىرگە چەكلىمىلەرنى بوشىتىش ۋە ئىجتىمائىي ئارىلىق ساقلاش قاتارلىق تەدبىرلەرنىڭ ئازىيىشى تۈپەيلىدىن ياۋروپادىكى يۇقۇملىنىش نىسبىتىدە ئېشىش مەيدانغا كەلگەنلىكى بىلدۈرۈلمەكتە.

دۇنيا سەھىيە تەشكىلاتىنىڭ سانلىق مەلۇماتلىرىغا ئاساسلانغاندا، كوۋىد -19 دىن قازا قىلغانلار سىنتەبىرنىڭ ئاخىرىدا كۈندىلىك 2100  كىشىگە يېتىپ، 2 ھەسسە ئاشقان ۋە كۈنىگە 4200 كىشىگە ئۆرلىگەن ئىدى.