iran yadro muzakirilirige 29 – noyabirda qaytidighanliqini uqturdi
iran awstriyening paytexti wiyénnadiki yadro kélishimige qaytish muzakirilirige 29 – noyabir küni qayta bashlaydighanliqlirini uqturdi.
türkiye awazi radiyosi xewiri: iran muawin tashqi ishlar ministiri we iranning wiyénna muzakirilirige riyasetchilik qilghan eli baqiri kéni, ammiwi ortaqlishish tor béti Twitter sehipiside élan qilghan bayanatida, yadro muzakirilirige 29 – noyabir küni bashlaydighanliqlirini eskertish bilen bir waqitta, yawropa ittipaqi tashqi munasiwetler we bixeterlik siyasiti alahide wekili énrik mora bilen téléfonda söhbetleshkenlikini tekitlep mundaq dédi: «amérika qoshma ishtatlirining qanunsiz we rehimsizlerche émbargolirining bikar qilinishi meqsitide, 29-noyabir wiyénnada yadro söhbitini qayta bashlashni qarar qilduq.»
yene bir tereptin, iran bilen tüzülgen we birleshme heriket pilani (JCPOA) dep atilidighan yadro kélishimining toluq yolgha qoyulushi we amérika qoshma ishtatlirini kélishimge qayturush toghrisidiki söhbetler, 6-aprél bashlanghanidi. iranda iyun éyida ötküzülgen pirézidént saylimi sewebidin, amérika qoshma ishtatlirimu wasitilik halda qatnashqan yadro kélishimige amérikani qayturush söhbetliri toxtitip qoyulghanidi.
