iraq bash ministiri: baghdadining yardemchisini qolgha chüshürduq
iraq bash ministiri mustafa elqazimi térrorluq teshkilati daéshning öltürülgen rehbiri ebubekir baghdadining yardemchisi sami jasimni qolgha chüshürgenliklirini jakarlidi.
türkiye awazi radiyosi xewiri: qazimi, ammiwi ortaqlishish tor béti Twitter sehipiside élan qilghan bayanatida, iraq döletlik bixeterlik orginining, baghdadining yardemchisi sami jasimni qolgha chüshürüsh herikiti élip barghanliqini bildürdi, emma bu heriketning tepsilati heqqide melumat bermidi.
qolgha chüshürülgen sami jasim isimlik kishining, térrorluq teshkilati daéshning pul muamile ishliri mesuli ikenliki we teshkilatning öltürülgen kattibéshi baghdadining yardemchisi ikenliki bildürüldi.
térrorluq teshkilati daésh rehbiri baghdadi, 2019 – yili amérika küchliri teripidin süriyede öltürülgenidi.
amérika qoshma ishtatliri tashqi ishlar ministirliqi, sami jasimnimu öz ichige alghan bir guruppa térrorluq teshkilati daésh rehberlirining turuwatqan jayliri heqqide uchur bilen teminligüchilerge mukapat bérilidighanliqini uqturghanidi.