ماكرون بايدىن بىلەن تېلېفونلاشتى
فىرانسىيە پىرېزىدېنتى ئېممانۇئېل ماكرون ئامېرىكا قوشما ئىشتاتلىرى پىرېزىدېنتى جو بايدىن بىلەن تېلېفوندا كۆرۈشتى.
![ماكرون بايدىن بىلەن تېلېفونلاشتى](http://cdn.trt.net.tr/images/xlarge/rectangle/853c/1120/35a1/600e75eeb4c97.jpg?time=1718674762)
تۈركىيە ئاۋازى رادىيوسى خەۋىرى: ئېلىسې سارىيىنىڭ بىلدۈرۈشىچە، فىرانسىيە پىرېزىدېنتى ئېممانۇئېل ماكرون ئامېرىكا قوشما ئىشتاتلىرى پىرېزىدېنتى جو بايدىن بىلەن تېلېفوندا كۆرۈشكەن. ئىككى رەھبەرنىڭ تېلېفون سۆھبىتىدە، تالىباننىڭ ئافغانىستاندا ھاكىمىيەتنى كونترول ئاستىغا ئېلىشىدىن كېيىنكى ۋەزىيەت ھەققىدە مۇزاكىرە ئېلىپ بېرىلغان.
ماكرون، فىرانسىيە پۇقرالىرى، ئامېرىكا قوشما ئىشتاتلىرى ۋە ئىتتىپاقداشلىرى ئۈچۈن خىزمەت قىلغان ئافغان ئەر – ئاياللار ھەم تەھدىت ئاستىدىكىلەرنىڭ ئافغانىستاندىن تارقاقلاشتۇرۇلۇشى ئۈچۈن «ئىتتىپاقداشلار ئارا تېز ، ئۈنۈملۈك ۋە ماس قەدەمدە ھەرىكەت قىلىنىشىنىڭ زۆرۈرلۈكى» نى تەكىتلىپ مۇنداق دېگەن: «قىممەت ئۆلچەملىرىمىزنى ئورتاقلاشقان ۋە قوغدىنىشقا ئېھتىياجلىق بولغان ئافغانلارغا دائىر ئورتاق مەسئۇلىيەتچانلىرىمىزدىن ۋاز كېچەلمەيمىز ھەمدە ئۇلارنى تەرك ئېتەلمەيمىز.»
باياناتتا تەكىتلىنىشىچە، ئىككى رەھبەر، بولۇپمۇ 7 – گ گۇرۇھى دائىرىسىدە ئىنسانىي، سىياسىي ۋە تېررورىزمغا قارشى كۈرەش مەسىلىلىرىدە ھەمكارلىقنى يەنىمۇ كۈچەيتىش توغرۇلۇق بىردەكلىك ھاسىل قىلغان.
مۇناسىۋەتلىك خەۋەرلەر
![يېڭى زېلاندىيە غەززەگە قوشۇمچە ئىقتىسادىي ياردەم بېرىدۇ](http://cdn.trt.net.tr/images/medium/rectangle/4013/5ea5/18f0/653a1165d84d0.jpg?time=1718674762)
يېڭى زېلاندىيە غەززەگە قوشۇمچە ئىقتىسادىي ياردەم بېرىدۇ
يېڭى زېلاندىيە غەززەگە 5 مىليون دوللار قوشۇمچە ئىقتىسادىي ياردەم بېرىدۇ.