تېھراندا بىر نا مەلۇم جىسىم چوڭ پارتىلاشنى كەلتۈرۈپ چىقاردى

تۈركىيە ئاۋازى رادىيوسى خەۋىرى: ئىران دۆلەتلىك تېلېۋىزىيە قانىلىنىڭ خەۋىرىگە ئاساسلانغاندا، پايتەخت تېھراننىڭ مەركىزىدىكى خەلق باغچىسى ئەتراپىدا بىر نا مەلۇم جىسىم چوڭ پارتىلاشنى كەلتۈرۈپ چىقارغان.

خەۋەرلەردە قۇتقۇزۇش ماشىنىسى ۋە تۇنجى قۇتقۇزۇش ئەترىتىنىڭ رايونغا ئەۋەتىلگەنلىكى، ئادەم ئۆلۈش ياكى يارىلىنىش ھادىسىسى كۆرۈلمىگەنلىكى  قەيت قىلىندى.

تېھراننىڭ مۇئاۋىن ۋالىيسى ھامىد رىزا گودەرزى يېرىم رەسمىي خەۋەر ئاگېنتلىقى «تاسنىم» غا بەرگەن باياناتىدا، ۋەقەنىڭ تېررورلۇق ھۇجۇمى ياكى ئەمەسلىكىگە دائىر سوئالغا جاۋاپ بېرىپ، پارتىلاشنىڭ سەۋەبىنىڭ ئەتراپلىق تەكشۈرىلىۋاتقانلىقىنى ئېيتتى.