16-qétimliq süriye söhbetliri toghrisida bayanat élan qilindi
qazaqistan paytexti nursultanda kapaletchi döletler bolghan türkiye, rusiye we iranning qatnishishi astida ötküzülgen 16-qétimliq süriye söhbetlirige munasiwetlik bayanat élan qilindi.
türkiye awazi radiyosi xewiri: qazaqistan paytexti nursultanda tünügün (2021-yili 7-iyul) bashlanghan kapaletchi döletler bolghan türkiye, rusiye we iranning ortaq bayanati élan qilindi.
bayanatta, süriyelning sherqiy shimalida «gheyriy resmiy hökümet qurush teshebbusliri», térrorluqqa qarshi küresh qilish bahanisi bilen «meydanlarda yéngi heqiqetlerni payda qilish» qa munasiwetlik her türlük heriketlerni ret qilish, qoshna döletlerning milliy xewpsizlikige tehdit peyda qilidighan bölgünchi küntertiplerge birlikte qarshi turushni qetiy dawamlashturush tekitlendi.
bayanatta, idlib jiddiychilikni peseytish rayonidiki weziyetning tepsiliy közdin kechürülüshi we tinchliqning kapaletke ige qilinishi üchün, idlibqa munasiwetlik kélishimlerning toluq ijra qilinishi kérekliki eskertildi.
süriye ixtilapining «herbiy yol bilen hel qilinalmaydighanliqi» gha bolghan ishinish qeyt qilinghan bayanatta, ixtilaplarning süriyeliklerning bashchiliqida we igidarchiliqida, ijra qilishqa bolidighan we dawamlashturghili bolidighan siyasiy musape yoli arqiliq axirlashturush toghrisida bérilgen wediler yéngilandi.
مۇناسىۋەتلىك خەۋەرلەر
seudi erebistan 6 iran muxbirini chégradin qoghlap chiqardi
sseudi erebistan iran dölet téléwiziyesining 6 muxbirini chégradin qoghlap chiqardi.