ھىندونېزىيەدىكى كەلكۈن ۋە تاغ گۈمۈرۈلۈپ چۈشۈش ۋەقەسىدە 181 كىشى قازا قىلدى
ھىندونېزىيەدە قاتتىق يامغۇر كەلتۈرۈپ چىقارغان كەلكۈن ۋە تاغ گۈمۈرۈلۈپ چۈشۈش ۋەقەسى سەۋەبىدىن ھاياتىدىن ئايرىلغانلارنىڭ سانى 181 گە ئۆرلىدى.
تۈركىيە ئاۋازى رادىيوسى خەۋىرى: شەرقىي نۇسا تېڭگارا ئۆلكىسىنىڭ مۇئاۋىن ۋالىيسى جوسېف نا سوي ئىزدەش ۋە قۇتقۇزۇش خىزمەتلىرىدە تېخىمۇ كۆپ جەسەت تېپىلغانلىقىنى ئېيتتى.
جوسېف نا سوي قازا قىلغانلارنىڭ ئومۇمىي سانىنىڭ 181 گە ئۆرلىگەنلىنى تەكىتلەپ، ئىز- دىرىكى يوق 48 كىشىنى ئىزدەپ قۇتقۇزۇش خىزمەتلىرىنىڭ داۋاملىشىۋاتقانلىقىنى بىلدۈردى.
شەرقىي نۇسا تېڭگارا ئۆلكىسىگە قاراشلىق فلورىس، لېمباگا ۋە ئالور قاتارلىق شەھەرلەردە 5-ئاپرىلدىن داۋاملىشىۋاتقان قاتتىق يامغۇر، كەلكۈن ۋە تاغ گۈمۈرۈلۈپ چۈشۈش ۋەقەلىرىگە سەۋەب بولغان ئىدى.
كەلكۈن ۋە تاغ گۈمۈرۈلۈپ چۈشۈش ۋەقەلىرىدىن كېيىن، تەخمىنەن 15 مىڭ ئۆي ئىشلىتىشكە بولمايدىغان ھالغا كېلىپ قالدى.
ئېكۋاتور بەلبېغىغا جايلاشقان ھىندونېزىيەدە بولۇپمۇ ئۆكتەبىردىن ئاپرېلغىچە بولغان مەزگىلدە كەلكۈن ۋە تاغ گۈمۈرۈلۈپ چۈشۈش ۋەقەلىرى كۆپ يۈز بېرىپ تۇرىدۇ.
مۇناسىۋەتلىك خەۋەرلەر
ئامېرىكا ئۇكرائىناغا 2 مىليارد دوللار ياردەم بېرىدۇ
ئامېرىكا قوشما ئىشتاتلىرى ئۇكرائىناغا 2 مىليارد دوللار ياردەم بېرىدۇ.
ئافغانىستاندا ھەربىي تىك ئۇچار چۈشۈپ كەتتى
ئافغانىستاننىڭ غور ۋىلايىتىدە بىر ھەربىي تىك ئۇچار ئايروپىلان دەريا قىرغىقىغا چۈشۈپ كەتتى.