فىرانسىيەدە 3- ۋە 6 - ئەسىرلەرگە تەۋە قەدىمىي قەبرىستانلىق بايقالدى

تۈركىيە ئاۋازى رادىيوسى خەۋىرى: فرانسىيە دۆلەتلىك ئارخېئولوگىيە تەتقىقات ئىنستىتۇتىغا قاراشلىق ئارخېئولوگلار قەدىمقى دەۋرلەردە نۇرغۇنلىغان خەلقلەرگە ساھىبخانلىق قىلغان كورسىكا رايونىدا نەچچە مىڭ يىللىق تارىخقا ئىگە 40 جەسەت ساندۇقى تاپتى.

ئارخېئولوگلارنىڭ مۆلچەرلىشىچە، ساندۇقتىكى جەسەتلەر 3-ئەسىردىن 6-ئەسىرگىچە بولغان ئارىلىقتا دەپنە قىلىنغان ئىكەن.

قەبرىستانلىق جايلاشقان ئىلې-روسسې  يېزىسىدا قەدىمىي دەۋرلەردىمۇ ئىنسانلارنىڭ ياشىغانلىقى مەلۇم.

قەبرىستانلىقنىڭ تېپىلىشى بىلەن، بۇ يېزىنىڭ 18-ئەسىردىن ئىلگىرىكى تارىخىنىڭمۇ ھەل بولىدىغانلىقىغا ئىشەنچ بىلەن قارالماقتا.