خىتاي بىلەن ئىران 25 يىللىق ھەمكارلىق كېلىشىمى ئىمزالىدى

تۈركىيە ئاۋازى رادىيوسى خەۋىرى: دۆلەت ئىشلىرى زىيارىتىدە بولۇش ئۈچۈن ئىراننىڭ پايتەختى تېھرانغا يېتىپ بارغان خىتاي تاشقى ئىشلار مىنىستىرى ۋاڭ يى، ئىران تاشقى ئىشلار مىنىستىرى مۇھەممەد جەۋاد زەرىف بىلەن كۆرۈشتى.

ئۇچرىشىشتا، ئىككى دۆلەت ئوتتۇرىسىدا تۈرلۈك ساھەلەردە ھەمكارلىق ئورنىتىش نىشان قىلىنغان 25 يىللىق كېلىشىم ئىمزالاندى.

خىتاي دۆلەت رەئىسى شى جىنپىڭنىڭ 2016 – يىلى تېھران زىيارىتىدە تۇنجى قېتىم كۈنتەرتىپكە كەلگەن، ئىراننىڭ خىتاي ئىشقا كىرىشتۈرگەن «بىر بەلباغ، بىر يول» لايىھەسىدىن ئورۇن ئېلىشى نىشان قىلىنغان كېلىشىمنىڭ مەزمۇنى ھەققىدە مەلۇمات بېرىلمىدى.

ئىران تاشقى ئىشلار مىنىستىرى مۇھەممەد جەۋاد زەرىفنىڭ تەكلىپىگە بىىنائەن تېھراندا زىيارەتتە بولۇۋاتقان خىتاي تاشقى ئىشلار مىنىستىرى ۋاڭ يى، ئىران رەھبىرى ئەلى ھامانېينىڭ مەسلىھەتچىسى ئەلى لارىجانى بىلەنمۇ بىر يەرگە جەم بولغانىدى.