amérikada niyu york waqti gézitining bir yazghuchisi irangha jasosluq qilish bilen eyiblendi
amérikada niyu york waqti gézitide ilgiri köp qétim maqaliliri élan qilinghan yazghuchi kaweh afrasiabi «iranning mexpiy jasosi» dep eyiblendi.
1570391
türkiye awazi radiyosi xewiri: amérika edliye ministirliqining yazma bayanatida, ilgiri «niyu york waqti géziti» de maqaliliri élan qilinghan we özini «téhran uniwérsitétining sabiq oqutquchisi» dep tonushturghan kaweh afrasiabining bu hepte qolgha élinghanliqi bildürüldi.
«afrasiabi iran hökümitining mexpiy jasosi» dep eyiblengen bayanatta yene, 2007 - yildin buyan iranning birleshken döletler teshkilatida turushluq daimiy wekillik ishxanisi teripidin afrasiabining banka hésabigha 265 milyon dollar yollanghanliqi qeyt qilindi.
amérika edliye ministirliqi teripidin élan qilinghan délo mezmunida, afrasiabining 1957-yili iranda tughulghanliqi we 1973-yili amérikagha kelgenliki eskertildi.