ئافغانىستاندا تالىبان بىلەن بولغان توقۇنۇشتا ساقچى باشلىقى ئۆلدى

تۈركىيە ئاۋازى رادىيوسى خەۋىرى: تاھار ۋىلايەتلىك جامائەت خەۋپسىزلىكى ئىدارىسىنىڭ باياناتچىسى خېلىل ئەسىرنىڭ بىلدۈرۈشىچە، تۈنۈگۈن كېچە باھاراق ناھىيەسىدە تالىبان ئەزالىرى بىلەن دۆلەت خەۋپسىزلىك كۈچلىرى ئوتتۇرىسىدا يۈز بەرگەن توقۇنۇشتا، ساقچى باشلىقى دۇراندىش بىلەن ئۇنىڭ بىر قىسىم ئادەملىرى ھاياتىدىن ئايرىلغان، تالىبانمۇ كۆپ ئادىمىدىن ئايرىلىپ قالغان. ۋەقەدىن كېيىن رايونغا زاپاس قسىملار ئەۋەتىلگەن.