باغداتتىكى خەلقئارا ئايرودورۇمغا يېقىن جايغا كاتيۇشا بومبىلىرى بىلەن ھۇجۇم قىلىندى

تۈركىيە ئاۋازى رادىيوسى خەۋىرى: ئىراق دۆلەت مۇداپىئە مىنىستىرلىقىغا قاراشلىق بىخەتەرلىك ئۇچۇر مەركىزى تەرىپىدىن ئېلان قىلىنغان يازما باياناتتا، باغدات خەلقئارا ئايرودورۇمىغا يېقىن جايغا 2 كاتيۇشا بومبىسىنىڭ ئېتىلغانلىقى بىلدۈرۈلدى.

ھۇجۇمدا ئادەم ئۆلۈش ياكى يارىلىنىش ھادىسىسى كۆرۈلمىگەنلىكى  تەكىتلەندى. بىراق ۋەقە ھەققىدە تەپسىلىي مەلۇمات بېرىلمىدى.

ھۇجۇمنىڭ جاۋابكارلىقىنى تېخىچە ھېچ كىشى ئۆز ئۈستىگە ئالمىدى.