rusiyede zeherlengen öktichi rehber alékséy nawalniyning ehwalining muqim emesliki bildürüldi

türkiye awazi radiyosi xewiri: omsk doxturxanisining bash doxturi aléksandir muraxowiskiy muxbirlargha bergen bayanatida, nawalniyning hoshsiz ikenlikini we ehwalining yaxshi ikenlikini tilgha aldi.

bashqa doxturxanigha yötkesh üchün bémarning téximu muqim bolushi kéreklikini tekitligen morowiskiy, nawalniyning ehwalining muqim emesliki terepke hemmining diqqitini tartti.

muraxowiskiy bémargha qoyghili bolidighan 5 xil diagnozni tetqiq qiliwatqanliqini, bularning néme ikenlikini hazirche éytalmaydighanliqini bildürdi.

muraxowiskiy tekshürüshning dawamlishiwatqanliqini bildürüp: «aldin diagnoz qoyush we ehwalni chüshendürüsh üchün yene ikki kün waqit kétidu» dédi.

nawalniyning axbarat bayanatchisi kira yarmish doxturlarning nawalniyni bashqa doxturxanigha yötkeshke selibiy qarashta ikenlikini éytti.

rusiye taratqulirida yene, gérmaniyedin kelgen jiddiy qutquzush ayropilanining nawalniyni yötkesh üchün omskqa qonghanliqi ilgiri sürüldi.

tünügün (2020-yili 20-awghust) tomsk shehiridin moskwagha bérish üchün ayropilangha olturghan nawalniy uchush jeryanida ehwali nacharlashqanliqi yüzisidin omsk shehirige qonghan idi.

rusiyede «zeherlinish» gumani bilen balnéstqa élinghan alékséy nawalniyning chéyigha arilashturulghan bir madda bilen zeherlengenliki ilgiri sürülgen idi.