تېرورلۇق تەشكىلاتى دەيرىزوردا قانچە ئونلىغان  پۇقرانى تۇتۇپ كەتتى

تۈركىيە ئاۋازى رادىيوسى خەۋىرى: يەرلىك مەنبەلەرنىڭ بىلدۈرىشىچە، بۆلگۈنچى تېرورلۇق تەشكىلاتى YPG / PKK دەيرىزور ۋىلايىتىدە، يەكشەنبە كۈنى رايوننىڭ نوپۇزلۇق ئەرەب قەبىلە رەھبىرىگە سۈيقەست قىلغاندىن كېيىن، باشلانغان ۋە ئۇزۇن ئۆتمەي كەڭ - كۆلەملىك نامايىشقا ئايلانغان ۋەقەلەرنى باستۇرۇش ئۈچۈن ھەرىكەتكە ئۆتكەن.

تېررورلۇق تەشكىلاتى سۇيقەستىنى ئىشقا ئاشۇرغان ئەل-ھاۋايىچ كەنتىدىن باشقا يەنە، شۇھەيىل ۋە زەيبان رايونىغىمۇ نۇرغۇنلىغان تېررورچىلارنى ئەۋەتكەن.

تېرورلۇق تەشكىلاتى بۇ ئولتۇراق رايونلارنىڭ كىرىش-چىقىش ئېغىزلىرىغا تەكشۈرۈش پونكىتى قۇرۇپ رايۇننى قورشاۋغا ئالغان.

بۆلگۈنچى تېررورلۇق تەشكىلاتى ھاۋايىچ ۋە شۇھەيلدە كۆچىغا چىقىشنى مەنئىي قىلغان ھەمدە قىلغان ھۇجۇملىرىدا نەچچە ئون كىشىنى تۇتۇپ كېتىپ،   يېقىنقى 2 كۈن ئىچىدە، بىرسى ئايال  بولۇپ، جەمئىي 2 پۇقرانى  ئۆلتۈرگەن.

بۆلگۈنچى تېرورلۇق تەشكىلاتى YPG / PKK نى قوللاۋاتقان ئامېرىكا باشچىلىقىدىكى بىرلەشمە ئارمىيەگە تەۋە ئۇرۇش ئايروپىلانلىرىنىڭ رايوندا ئۇچۇش ئېلىپ بارغانلىقى بىلدۈرۈلمەكتە.