terhunediki kolléktip mazardin yene 5 kishining jesiti chiqirildi

türkiye awazi radiyosi xewiri: ghayib bolup ketküchilerni izdesh we éniqlash orgini yazma bayanat élan qilip, terhunening jenubiy chétige jaylashqan errabit rayonidiki kolléktip mazarlarni tekshürüsh xizmetliri jeryanida tünügün yene 5 kishining jesitining tépilghanliqini uqturdi.

errabit rayonidiki kolléktip mazarlardin 10 – iyunda 10؛ 28 – iyunda 9 kishining jeset parchilirining chiqirilghanliqigha isharet qilinghan bayanatta, bu rayondin tépilghan jemiy jeset sanining 24 ke yetkenliki qeyt qilindi.

liwiye armiyesi, paytext trablusning jenubi bilen terhune we uning etrapidin tépilghan kolléktip mazarlardin 5 – iyundin 28 – iyunghiche bolghan jeryanda jemiy 208 ademning jesitining chiqirilghanliqini, ayallar we balilarni öz ichige alghan mezkur jesetler üstide qiyin – qistaq izlirining bayqalghanliqini uqturdi.

15 jesetning kimliki éniqlinip aile – tawabiatlirigha tapshurup bérildi.

hafter qoralliqliri paytext trablusqa qaratqan hujumliri esnasida uda  14 ay boyiche heriket we arqa sep merkizi qilip paydilanghan terhune shehiri liwiye armiyesi teripidin qutquzulghandin kéyin, liwiye dairiliri, sheher we sheher etrapidin 11 ayrim kolléktip mazarning tépilghanliqini uqturghanidi.

xelqara jinayi ishlar sot mehkimisi 22 – iyunda bayanat bérip, terhune we uning etrapidin 11 kolléktip mazarning tépilghanliqi toghrisida xelqara jinayi ishlar sot mehkimisi teptish orginigha ishenchilik uchurlarning yétip kelgenlikini bildürgenidi.