تۈركىيە ھەمكارلىق ۋە ماسلاشتۇرۇش ئورگىنى (TİKA) يەمەندە خەلققە ياردەم بويۇملىرى تارقاتتى

تۈركىيە ئاۋازى رادىيوسى خەۋىرى: تۈركىيە ھەمكارلىق ۋە ماسلاشتۇرۇش ئورگىنى (TİKA) نىڭ يەمەن ئىشلىرى مەسئۇلى ئابدۇللا سارى ئاپەت ۋە جىددىي ھالەتلەرگە  تاقابىل تۇرۇش ئىدارىسى (AFAD)  بىلەن ماسلىشىپ، 3 مىڭ يېمەكلىك پوسۇلكىسى تارقاتقانلىقىنى، بۇ پوسۇلكىلاردىن 2 مىڭنى تائىزدا ۋە مىڭنى لاھىجدا تارقىتىپ بەرگەنلىكىنى ئېيتتى.

ئابدۇللاھ سارى لاھىج ۋە تائىزدىكى يەرلىك ھۆكۈمەتلەر بىلەنمۇ ماسلىشىپ ھەرىكەت قىلغانلىقىنى شۇنداقلا ئۇرۇش سەۋەبىدىن ئۆي – ماكانلىرىدىن ئايرىلغان نامرات ئائىلىلەرنىڭ ياردەم نىشانى قىلىنغانلىقىنى ئۇقتۇردى.

يەمەندە ئىچكى ئۇرۇش 6 يىلدىن بۇيان داۋاملاشقان بولۇپ، خەلق ئاچارچىلىق تەھدىتىگە دۇچ كەلگەن ۋە ئىنسانپەرۋەرلىك شارائىتى ئېغىرلاشقان ئىدى.

تۈركىيە ھەمكارلىق ۋە ماسلاشتۇرۇش ئورگىنى (TİKA) يەمەندە تۈركىيەنىڭ كۆپ تەرەپلىمىلىك ئىنسانپەرۋەرلىك تاشقى سىياسىتىنى داۋاملاشتۇرماقتا.