italiyede «wuxen wirusi» sewebidin ölgenlerning sani 13 mingdin éship ketti

türkiye awazi radiyosi xewiri:  dölet miqyasida 10 – mart küni bashlanghan keng dairilik karantin qilish tedbirlirining mudditi 13 – aprélghiche uzartilghanidi.

firansiyede «wuxen wirusi» sewebidin yéqinqi 24 saet ichide ölgen 509 kishi bilen qoshulup, 4032 kishi hayatidin ayrildi. shuning bilen, firansiye ölüm sanida xitayni arqida qaldurghan boldi. dölette «wuxen wirusi» bilen yuqumlanghanlar sani 52 minggha yéqinlashti.

yene bir tereptin, dölette «wuxen wirusi» sewebidin 3.6 milyon kishi ishsiz qaldi. emgek ishliri ministiri muriél pénikadning bildürüshiche, «wuxen wirusi» ning éghir zerbisige uchrighan 337 ming shirket 3.6 milyon xizmetchi – xadimini ishtin boshatqan, buning döletke keltürgen ziyiti 11 milyard yawrogha yetken bolup, ishtin boshitilghanlar maashining % 70 tini dölettin «ishsizliq maashi» süpitide alalaydiken.

gérmaniyede 22 – marttin bashlap yolgha qoyulghan «wuxen wirusi» gha qarshi küresh tedbirlirining mudditi 19 – aprélghiche uzartildi. bash ministir  angéla mérkél kéler hepte pasxa bayrimini tebriklesh paaliyetlirining ötküzülidighanliqini eskertip «wirus bayram tonimaydu, shunga xelqimizge bayram mezgilide sayahet qilmasliqni tewsiye qilimen» teriqiside agahlandurush berdi.

sérbiyede «wuxen wirusi» sewebidin ölgenlerning sani 28 ge, yuqumlanghanlar sani 1060 qa yetti.

«wuxen wirusi» sewebidin ölgenlerning sani 50 ke, yuqumlanghanlar sani 1415 ke yetken girétsiye üchün, bir guruppa doxtur, arallardiki musapirlar lagérlirining sharaitining qattiq nacharliqini, shunga insaniy palaket yüz bérishtin burun, bu lagérlarni boshitish toghruluq chaqiriqta boldi.

paytext atina etrapidiki bir musapirlar lagéri 21 kishi wirus bilen yuqumlanghandin kéyin karantin astigha élindi. köchmenler ishliri ministirliqi teripidin bu heqte élan qilinghan bayanatta mundaq déyildi: «musapirlar lagérida qéliwatqan 21 köchmen wirus bilen yuqumlandi. shunga, lagér bügündin bashlap  uda ikki hepte karantin astigha élinidu.»

«wuxen wirusi» sewebidin ölgenlerning sani silowéniyede 15 ke, yuqumlanghanlar sani 841 ge, bosniye-girtisgowénada ölgenlerning sani 13 ke, yuqumlanghanlar sani 457 ge yetti. sarayéwo unwérsititi kilinikiliq merkizide wezepe ötewatqan 3 doxturmu wirus bilen yuqumlandi.

bulghariyede wirus sewebidin ölgenlerning sani 9 gha, yuqumlanghanlar sani 412 ge yetti.

wirus sewebidin ikki kishi hayatidin ayrilghan, 123 kishi yuqumlanghan qarataghda, hökümet «wuxen wirusi» gha qarshi küresh tedbirlirining mudditining 15 – aprélghiche uzartilghanliqini bildürdi.

bashqa balqan rayoni döletliridn wirus sewebidin roméniyede 86 kishi öldi, 2460 kishi yuqumlandi, kosowoda bir kishi hayatidin ayrildi. shimaliy makédoniyede 10 kishi öldi, 354 kishi yuqumlandi, albaniyede 13 kishi qaza qildi, 259 kishi yuqumlandi.

amérika qoshma ishtatlirida wirus sewebidin ölgenlerning sani 4476 ge yetti, yuqumlanghanlar sani 203 mingdin éship ketti. wirus sewebidin ölgenlerning sani eng köp ishtat bolghan niyu yorkta, yuqumlanghanlar sani 12 mingdin éship ketti. niyu york we niyu jérséy ishtatliri wirus sewebidin ölgenler we yuqumlanghanlar sani eng köp merkiziy ishtatlar bolushni dawamlashturmaqta. bashqa ishtatlardimu ölgenler we yuqumlanghanlar sanining barghanséri éshishi diqqet qozghimaqta. konnéktikat ishtatida 6 ayliq bir bowaqmu wirus sewebidin ölüp ketti. muawin pirézidént mayk péns, «wuxen wirusi» gha qarshi küresh tedbirlirige riaye qilinghan teqdirde, iyun éyighiche ünümge érishish éhtimalliqining barliqi éytti.

amérika qoshma ishtatliri pirézidénti donald tramp wirus bilen yuqumlanghanlar sani köp körülgen rayonlargha ishqa ashuruluwatqan ayropilan seperlirini toxtitish toghruluq oylishiwatqanliqlirini eskertish bilen bir waqitta, amérikada yéqinqi 24 saet ichide «wuxen wirusi» sewebidin ölgenler we yuqumlanghanlar sanining adettin tashqiri derijide köpiyip ketkenlikini tekitlep mundaq dédi: «bu wirusning qanchilik dejiride xeterlik ikenlikini axirqi bir kün ichidiki reqemlerge qarap biliwélish mumkin.»

amérika qoshma ishtatliri jiddiy ehwallargha taqabil turush qomandanliq merkizining dölet mudapie ministirliqidin, «wuxen wirusi» gha qarshi ishlitilish üchün 100 ming dane jeset xaltisi telep qilghanliqi ilgiri sürüldi. sahil bixeterlikini qoghdash qomandanliq ishtabi, amérika su tewelikidiki barliq sayahet paraxotlirigha, «wuxen wirusi» bilen yuqumlanghan bimarlarni paraxotta dawalash üchün teyyar halette turush toghruluq yolyoruq chüshürdi.